==: ملتقى طلبة وطالبات صيدلة المنيا :==

[diesl]

سلام عليكم يا جماعة دي اول مشاركة ليه في المنتدي وانا احب ابارك فالاول لكل الناجحين الف الف مبروووووووووووووووووووووو وووك
بس انا لسه اول سنة ليه في صيدلة السنة دي ومش عارف حاجة خالص عنها وعلي فكرة انا من المنيا يا ريت حد يعبرني ويقلي علي اي معلومات عن اعدادي صيدلة

وبصراحة موضعكم عجيبني اوي بس انا عايز ان الكل يستمر فالردود يوميا او نعمل منتدي خاص بصيادلة المنيا ويارب مكنش عكرت مزاجكم

[snow white*]

سلام عليكم يا دكاتره انا ايه * سنه اولى * انا مشتركه جديد وبالمناسبه الف مبروك لكل الناجحين

[no_way31]

يامربا بيكم دكتور disel و دكتوره snowwhite دا منتداكم عاوزين نستفاد منكم وتستفادوا انتوا كمان
يلا ورنا الهمه

[diesl]

شكرا علي ردك الجميل يا دكتور بس كنت اتمني

لو حد يديني فكرة عن الصيدلة الاكلينيكية في المنيا

وايه شروط الالتحاق بها

[نجم المنيا]

الصيدلة الاكلينيكية مجال من مجالات ممارسة مهنة الصيدلة فى الهيئة الصحية حيث يقوم الصيدلى بعمله كعضو فى الفريق الطبى الذى يُعنى بالمريض بتطبيق رؤيته السريرية (الإكلينيكية) لضمان الاستخدام الصحيح والآمن للأدوية الوظائف التى يقوم بها الصيدلى الإكلينيكي 1-الحصول على تاريخ المريض العلاجى 2-اختيار الوسائل العلاجية الأكثر ملائمة ومراقبة سير العلاج 3-الاجابة على استفسارات الأطباء وغيرهم من العاملين فى السلك الصحى عن المعلومات المتعلقة بالأدوية 4-تعليم المرضى والرد على استشاراتهم 5-توفير التعليم المتعلق بالدواء داخل نطاق الخدمة الصحية للأطباء ولسلك التمريض وغيرهم من العاملين فى الحقل الصحى

[نجم المنيا]

الصيدلة الاكلينيكية مجال من مجالات ممارسة مهنة الصيدلة فى الهيئة الصحية حيث يقوم الصيدلى بعمله كعضو فى الفريق الطبى الذى يُعنى بالمريض بتطبيق رؤيته السريرية (الإكلينيكية) لضمان الاستخدام الصحيح والآمن للأدوية الوظائف التى يقوم بها الصيدلى الإكلينيكي 1-الحصول على تاريخ المريض العلاجى 2-اختيار الوسائل العلاجية الأكثر ملائمة ومراقبة سير العلاج 3-الاجابة على استفسارات الأطباء وغيرهم من العاملين فى السلك الصحى عن المعلومات المتعلقة بالأدوية 4-تعليم المرضى والرد على استشاراتهم 5-توفير التعليم المتعلق بالدواء داخل نطاق الخدمة الصحية للأطباء ولسلك التمريض وغيرهم من العاملين فى الحقل الصحى

[نجم المنيا]

اهلا بكل الدكاتره اللى انضموا جديد للمنتدى واتمنى انهم يستفيدوا منه انا عمرو اتخرجت السنه دى وبالنسبه للصيدله الاكلينكيه اللى عاوز يعرف كل حاجه عنها يدوس على اللينك ده http://www.minia.edu.eg/Pharmacy/ProgOfPHEKLINK.aspx
ولو حد عنده اى استفسار تانى يكتبه وان شاء الله هرد عليه وخصوصا الطلبه الجدد

[roroo]

السلام عليكم
انا رايحه سنه 3 وعايزه اعرف هي صعبه قوي زي ما بيقولوا ولا ايه
اصل انا متعوده اذاكر علي اخر شهريين

[نجم المنيا]

بصى هى سنه 3 فعلا اصعب سنه فى صيدله بس رغم كده هى الذ سنه واكتر سنه هتستفادى منها بعد كده وكمان سهل جدا انك تطلعى بتقدير فيها اما بخصوص انك بتذاكرى شهرين بس فانا عايز اطمنك انى كنت بذاكر الاسبوعين بس اللى قبل الامتحانات والحمد لله طلعت كل السنين بتقدير بس اهم حاجه التركيز فى المذاكره وبالتوفيق للجميع

[diesl]

شكرا يا دكتور عمرو علي ردك والله عرفتني علي حجات مكنتش عارفها
بس انا عندي استفسار صغير هو الصيدلة الاكلينيكية كلية خاصة يعني تعليم مفتوح بس
ولا ممكن مثلا بعد متخلص الخمس سنين في صيدلة تاخد كورس فيها ارجو الرد ضروري