تعريف الأخوة بمجموعة عزيز الدواء بجازان

[فوزى الشاذلى]

اكتب هذا الموضوع ليس دعاية لمجموعة عزيز المباركة
ولكن كنوع من رد الحق الى اصحابه
فهذة المجموعة المباركة تخدم المنطقة من عام 1973 هجرية
تقدم لهم خدمة طبية متميزة وكاملة
سواء كان ذلك عن طريق البيع المباشر فى الصيدليات
اوعن طريق توفير كل ماهو جديد من مستحضرات يصعب الحصول عليها فى الجنوب الافى مجموعة عزيز
اوعن طريق التعاقدات مع الشركات التامينية او الشركات العلاجية الخاصة وصرف الدواء لاصحابه بالوصفة الطبية
اوعن طريق الاتصال الدعوى بطبع مطويات دعوية فى المناسبات الدينية كرمضان
وتقديم افطار يومى للصائمين

وهذه المجموعة من افضل واقوى ىالصيدليات فى جازان



وللحديث بقية تاتى

[بوحة]

اهم شئ نظام عقدهم إيه إحنا بنسافر عشان نشتغل وناخد حقوقنا كاملة

[lodamin]

اسوأ مجموعة في الجنوب علي الاطلاق

[أبو الوليد]

مجموعة صيدليات عزيز من أفشل صيدليات الجنوب ولا تعطى للناس حقوقها واللى بينزل ما بيرجعش وهم الآن بلاك لست فى القوى العاملة ولا يوجد عندهم فيز نظرا للشكاوى المتعددة للصيادلة

[الدكتور محسن]

ياجماعه الراجل اللى عامل خطاب مدح ف هذه المجموعه هو اسمه اشرف ده شغال ف مكتب السفريات بتاعهم ف القاهره ولما وجد ان كل الصيادله بيسالو عليهم ويجدوا ان سمعتهم زى الزفت محدش من الصيادله بيسافر . رجاء من كل الصيادله عدم السفر ع الاطلاق على مجموعه صيدليات عزيز وتحيه طيبه للدكتور ابو الوليد الراجل المحترم وجزاه الله خيرا . لانه بيوضح للصيادله هم فعلا قائمه سوداء ومش لاقيين حد ع الاطلاق . بانبه تانى الصيادله مجموعه عزيز احذر منها والله لو قلولك خد 20000 ريال راتب هتبقى رميت نفسك ف جهنم الحمرا

[tylenol]

لسه فاكر كان زمان

[Dr.Viagra]

على فكرة يا إخوان الأخ أبو الوليد بعد التحقيق في كلامه طلع إسمه الصيدلي / محمد مرعي وقبل ماينزل يشتغل في مجموعة عزيز الدواء بجازان كان يشتغل مع مجموعة إسمها السلطان برضة في جازان وأنهى خدماته عن طريق مكتب العمل , ويوم ماحضر لمقابلة المدير العام لمجموعة عزيز كان حيبوس الجزم عشان ينزل معهم وكان بيقول قصائد شعر في عزيز ودى الوقتي بيقول عنهم إنهم بلاك لست في القوى العاملة بلاهبل هو فيه حاجة إسمها بلاك لست في القوى العاملة !!!
على فكرة أبو الوليد دا كان بياخذ راتب 6000 ريال و زيادة ولما قررت الإدارة نقله لفرع ثاني راح شاكيهم في مكتب العمل والناس مشكورين حبوا يراضوه ويرجعوة الشغل تاني بعد ماوسطوا عليه زملاءة في المجموعة ومنهم د. عادل الطويل رفض وعمل نفسه ياما هنا ياما هناك علماَ بأن الفرع الي نقلوه ليه لايبعد عن الفرع الأول إلا مسافة 5 دقائق مشي ومع ذلك راح إشتغل في صيدلية إسمها (علي وعلي) في مدينة ثانية بعيدة ويروح ويجي تاكسي على حسابة وفهم كل زملاءة انه بياخذ راتب 9000 ريال وطلع أبو الوليد بيأخذ 3500 ريال وبهدل نفسة ومراته أخر بهدله وسفرها على مصر .
والي مش مصدق يكتب وأنا أجيب كل مايثبت كذب كلامه وظلمة للناس أصله احنا كدة يامصريين الوحش نقول عليه كويس والكويس نقول عليه وحش .

* وعلى فكرة انا مش شغال معاهم لكن انا مندوب في جـازان واعرف الناس دول كويس أوي أوي ومستعد أجيب كل مايثبت ذلك .

[محمدوثاب]

السلام عليكم اتمنى ان اتعرف علي اكثركم

[tylenol]

يا فرحتها بيك . 8 سنين كلية عشان فى الاخر تطلع المفتش كرومبو ,, اولا ابو الوليد مش محمد . ثانيا جميع من يحيوا او يكرهوا محمد يعرفوا انه مش بيبوس الجزم ... بوس الجزم ممكن يخلي الواحد يبقى مشرف لكن ميخليش حد يسافر , ثالثا مرتبات عزيز معروفة للجميع 5300 للعازب و 5600 للمتزوج و انت بتتكلم عن 6000 ريال و كأنها 60 الف ريال شهريا ... رابعا جميع الصيادلة يعرفوا ان 3500 راتب صيدلى دا مش موجود فى المملكة من 2005 و 2006 .. المجموعات المحترمة بقت بتدى 4000 ريال على 8 ساعات دا الاساسى و بيوصل مع بعض الصيادلة الى 10000 راتب شهرى حتى يعيش الصيدلى حياة كريمة ... خامسا حكاية انك مندوب و عامل فيها فاعل خير و سايب شغلك و تارجتك عشان تدافع عن الناس . اتهرست فى 60 فيلم قبل كدا ...