المنتدى الاول للصيادلة منذ عام2006

التسجيل الأسئلة الشائعة Social Groups التقويم اجعل كافة المشاركات مقروءة

##


العودة   منتدى عالم الصيادلة | صيادلة على خطى الحبيب | Pharmacists world > منتديات الصيدله > عالم الادوية و التركيبات الدوائية
##


طريقة حساب جرعة الدواء للاطفال

عالم الادوية و التركيبات الدوائية

رد
 
أدوات الموضوع
  #1  
قديم 04-03-2010, 07:13 PM
رحاب جمال رحاب جمال غير متواجد حالياً
محظور
 

 




افتراضي طريقة حساب جرعة الدواء للاطفال

أول حاجة لازم نعرف إن الطفل غير الكبير
مينفعش كده تكتب أى دوا و تقوله خدوه 3 مرات و انتهينا
و الطفل ذات نفسه بينمو بسرعة و بيكبر
فمش معقول طفل وزنه 10 كيلو
هنديله نفس الجرعة اللى هنديها لطفل وزنه 20 كيلو
و بالتالى لا مفر من حساب الجرعة الصحيحية المناسبة
للطفل حسب وزنه زى ما هوا مكتوب فى جميع
كتب طب الأطفال


الرد على الشبهات
ناس كتير أوى بقه من أول
أطباء الامتياز و التكليف لحد كثير من الأخصائيين
مرورا بالصيدلين
يزعلوا أوى من النقطة دى
و يقولك حساب ايه
دماغك يا عم
هوا لو أقل من سنتين اديله معلقة صغيرة كده
و لو اكتر معلقة كبيرة و خلاص
و يذكروا مجموعة من الشبهات هرد عليها إن شاء الله


أولا
ليه لازم نحسب الجرعة ؟؟
لإن دى أمانة و مسئولية هنتحاسب عليها ادام
ربنا
افرض اديت بالتقريب جرعة أكبر من اللى الطفل محتاجها
هتكون بتعرضه للآثار الجانبية
و هتعمل عبء مادى على الأسرة
و افرض اديت جرعة أقل
مش هيجيب نتيجة
و هتعمل resistance ليه و خلاص


ثانيا
يقولك لو أنا حسبت و طلع مثلا 2 سم و نصف
مين الأم اللى هتعرف تحسبهم أصلا ؟
أقولك
الأم بتدى بالسرنجة و الصيدلى بيوريها
لحد الشرطة الأولى يبقه سم و هكذا
و بعدين ممكن تقرب النتيجة
إنما لما يكون الطفل محتاج 3و3 سم
و تديله 3و5
مش زى أبدا ما يكون محتاج
3و3
و تديله 5
و بعدين انتا اعمل شغلك و الأم لو غلطت
تبقه مش مسئوليتك


ثالثا
يقولك دى حسبة معقدة
و معقول همشى بآالة حاسبة و أعد أحسب لكل طفل
أقولك و ايه يعنى ؟؟؟
نواب الأطفال كلللهم كده
و بعدين ممكن تحسب على الموبايل
و بالنسبة للمضادات الحيوية
هقولك هنا طريقة تحسب بيها
خلال أقل من 5 ثوان
بس تابع معايا


ها
اقتنعت إنها حاجة مهمة ؟
ماشى نخش فى المفيد بقه
دلوقتى على سبيل المثال
المضاد الحيوى فى الأطفال
بيكون غالبا حاجة اسمها suspension
يعنى ايه ؟
العلبة فيها بودرة و معاها ميه
و الأم بتملا العلبة ميه لحد علامة معينة موجودة
و بعدين تفضل ترجها
طبعا مادام حليته
لازم يستخدم خلال فترة معينة
تقريبا أسبوعين
و بيكون غالبا معاه معلقة بيضا صغيرة
دى 5 سم
أما الدوا اللى بيكون جاى معمول اسمه
syrup


ملحوظة :
السم هوا المللى
مفيش أى فرق بينهم


أغلب المضادات الحيوية بتكون
125
و 250
و 500
يعنى ايه ؟؟
المضاد الحيوى ال 125 معناه
إن كل 5 سم من العلبة
فيه 125 مجم من الدوا
يعنى لو جبت المعلقة الصغيرة دى
و مليتها من العلبة
و شربتها
هكون أخدت جرعة دواء أد ايه
؟؟؟
مضبوط 125


نيجى للجانب التانى : الطفل
أغلب المضادات الحيوية بتكون جرعتها
50 مجم لكل كجم
فى اليوم
يعنى ايه ؟؟
يعنى لو طفل وزنه 10 كيلو
و عنده مثلا اللوز و عايز أكتبله مضاد حيوى
يبقه محتاج ياخد 50 مجم من المضاد
لكل كليلوا فى وزنه
على مدار اليوم كله
عشان يخف إن شاء الله


يبقه الطفل ده محتاج اد ايه فى اليوم ؟؟
50 نضربها فى 10
تمام
محتاج 500مجم
مع العلم إن إحنا كده بنحسب الجرعة فى اليوم كله
فى الآآخر خالص بعد ما نخلص الحسبة
هنقسم اللى هيطلع لينا على 3
و نقول للأم تديه للطفل كل 8 ساعات
دلوقتى ببساطة هنعمل مقص
ركز معايا


ال 5 مل
فيهم
125
الكمية اللى عايزين نديها
عايزين يكون فيها
500


الكمبية اللى هنديها بالمقص
هتطلع
5 فى 500
على 125
هتطلع 20 سم


على 3 جرعات
تطلع حوالى 6و5 سم
كل 8ساعات


فيها حاجة صعبة ؟
ايوه فيها إنها حسبة كبيرة و محتاجة آالة حاسبة
طيب نبسطها شوية
احفظ المعادلة دى
جرعة المضاد هتساوى
5 فى 50 فى وزن الطفل
على تركيز المضاد


لسه صعبة
ماشى نبسط كمان
دلوقتى هنقول حاجة
لا تستخدم أى مضاد إلا 250
ليه ؟
لإنه اقتصادى
سعره قريب من 125
فلما تكتب 250 هتوفر مع العيان شوية
حتى لو الطفل لسه مولود
ماشى
لو عايزين نحسب مثلا
فى نفس المثال السابق
لطفل 10 كيلو
بس المرة دى هنديله مضاد 250
هيحتاج اد ايه فى اليوم ؟؟
مضبوط 10سم فى اليوم كله
ها أخدت بالك و لا لسه ؟؟
5 فى ال 50
بكامم ؟؟
ب 250
كده فى المعادلة اللى فوق كله هيروح مع بعضه
هتطلع الجرعة فى اليوم هى هى وزن الطفل
من غير أى حسابات
ها فهمت ؟؟
و بالطريقة دى هتحسب الجرعة فى ثوانى لأى طفل
مثال
طفل عنده congestive tonsillitis
و عنده 12 كيلو
هتقوم تكتب مثلا
Curisafe suspension 250 mg
4 سم بالسرنجة كل
8 ساعات
لمدة أسبوع
بس كده ؟؟
صعبة فى حاجة


ملحوظة :
طبعا ال 4 سم دول تفهم الأم إنها هتديهم بالسرنجة
بعد ما تشيل السن بتاعها
ملحوظة 2 :
اكتب كل 8 ساعات متكتبش 3 مرات
لإنك لو كتبت 3 مرات ممكن تلاقى الأم راحت تشترى الدوا
و بعدين رجعتلك عشان تسألك
هما ال 3 مرت دول امتى ؟؟
( حصلتلى قبل كده )
ملحوظة 3 :
يستحسن تكتب و تفهم الأم
إن المضاد ده هيتاخد لفترة أقل حاجة 5 أيام
و الأفضل أسبوع
حتى لو الطفل اتحسن
ملحوظة 4 :
تفهم الأم إن الدوا مش سحر
و إنه هيبدأ يشتغل إن شاء الله بعد يويمين كده
و إلا هتدى الدوا للطفل تانى يوم مش هيحصله حاجة
هتقوم رايحة لدكتور تانى


بس كده و اللى مش فاهم حاجة ممكن يسأل


و دلوقتى هذكر معادلات بعض الأدوية اللى بنكتبها بكثرة
و إن شاء الله لما نذكر الأمراض اللى بتكتب فيها
هنذكر المعادلات دى تانى
و نرجو إن الجميع يحفظها
أو يكتبها فى مذكرته و يحطها فى جيب البالطو على طول


ventolin
موسع شعب salbutamol
الوزن على 2 فى اليوم
و يعطى مرتين فى اليوم


sutrim suspension
الجرعة = الوزن
و تعطى على مرتين فى اليوم


sytron syrp
حديد
5 فى 6 فى الوزن على
27و5


orazone syrp
كورتيزون
الجرعة = الوزن على 3


paramol syrp
الجرعة الواحدة = 5 فى 15 فى الوزن على
125
و يعطى 3 - 4 مرات فى اليوم

رد باقتباس
The Following 5 Users Say Thank You to رحاب جمال For This Useful Post:
قديم 05-03-2010, 05:56 PM   #2
طالب علم
 
الصورة الرمزية طالب علم

 








طالب علم غير متواجد حالياً
افتراضي رد: طريقة حساب جرعة الدواء للاطفال

بصراحة موضوع أكثر من رائع .... جزاك الله خيرا ..

أتمنى منك ذكر الاسم العلمي لكل دواء من orazone هل هو betamethasone
وال paramol .. أكيد باراسيتامول

sutrim ?? هل هو متل ال septrin ؟
والحديد ما هو : ferrous gluconate ...

لأنني من الأردن وأتمنى الاستفادة فعلا ... فبعد قراءة موضوعك أصبحت أستخطيء نفسي بمعاملة المرضى على حسب العمر ...

لكنه اجمالا موضوووع رااائع ... ويا ريت تحدديلنا نوع المضادات الحيوية التي تنطبق عليها القاعدة الممذكورة .... ربما ال penecellins وال cephalosporins first generation ...

بارك الله فيكم
  رد باقتباس
قديم 05-03-2010, 07:57 PM   #3
dr. light

 








dr. light غير متواجد حالياً
افتراضي رد: طريقة حساب جرعة الدواء للاطفال

لا توجد كلمة تعبر حقا عن مدى شكري و امتناني لك لهذا الموضوع القيم
الذي افهمه جيدا لاول مرة
اتمنى منك كتابة الاسماء العلمية للادوية للتاكيد
بارك الله فيك و جزاك كل الخير
  رد باقتباس
قديم 07-03-2010, 10:46 AM   #4
ghassan

 








ghassan غير متواجد حالياً
افتراضي رد: طريقة حساب جرعة الدواء للاطفال

ممتازة يا استاذة
  رد باقتباس
The Following User Says Thank You to ghassan For This Useful Post:
قديم 09-03-2010, 06:26 PM   #5
D-Nazir
 
الصورة الرمزية D-Nazir

 









D-Nazir غير متواجد حالياً
افتراضي رد: طريقة حساب جرعة الدواء للاطفال

دا كله طبعاً لو الأهل بيعرفو اوزان اولادهم
بس أأكد اكثر من مرة ان الاغلبية ما بيعرفوا
و علشان هيك بدك تجيب ميزان الكتوني للصيدلية لوزن الاولاد و طبعا حيستعيروه الجيران خاصة الي بيسافروا بالطيارات
و على فرض ما استعاره حدا , الولد مش موجود عشان توزنه لأنه نايم بالبيت وما بيقدر يطلع
و اذا انكرت صرف الدوا لأهله بحجتك الواهيه امامهم انو الولد مش موجود وما تقدر تقرر نوع و جرعة الدوا
حيفتكروك ما بتفهم شيئ ( ح... ر ) بلا مؤخذة
هما مش حيفتكروك هيك هما حيتأكدو من هذا حسب مقاييسهم
بس لو صار هالشي بعيادة طبيب يعني راحوا لعندو من غير الولد و الدكتور رمى الي بأيده وراهم مش حيكوا انه ما بيفهم
ولا انا غلطان

و دبرها يا حباب

موضوعك اكتر من حلو ... يسلمو
  رد باقتباس
قديم 17-03-2010, 11:16 AM   #6
drtawfik2050

 








إرسال رسالة عبر مراسل MSN إلى drtawfik2050 إرسال رسالة عبر مراسل Yahoo إلى drtawfik2050 إرسال رسالة عبر Skype إلى drtawfik2050
drtawfik2050 غير متواجد حالياً
افتراضي رد: طريقة حساب جرعة الدواء للاطفال

موضوع اكتر من رائع
شكرا للمعلومات القيمه
  رد باقتباس
قديم 22-03-2010, 01:15 AM   #7
محمد محمد محمد
 
الصورة الرمزية محمد محمد محمد

 








إرسال رسالة عبر مراسل Yahoo إلى محمد محمد محمد
محمد محمد محمد غير متواجد حالياً
افتراضي رد: طريقة حساب جرعة الدواء للاطفال

جزاك الله كل خير..علي هذا المجهود
  رد باقتباس
قديم 01-04-2010, 02:38 AM   #8
القبطان1

 








القبطان1 غير متواجد حالياً
افتراضي رد: طريقة حساب جرعة الدواء للاطفال

فعلا الموضوع اكتر من رائع .الرجاء المزيد من المعلومات0
  رد باقتباس
قديم 09-04-2010, 12:50 AM   #9
محمد لبش ابازيد

 








محمد لبش ابازيد غير متواجد حالياً
افتراضي رد: طريقة حساب جرعة الدواء للاطفال

هناك طريقتان علميتان لاحتساب الجرعة الدوائية للاطفال000 الاولى\قاعدة يونغ=جرعة الكبار*(عمرالطفل بالسنوات/عمرالطفل بالسنوات+12) الطريقة الثانية هي قاعدة ديلينغ=جرعة الكبار*(عمر الطفل بالسنوات/20)وجزاكم الله خيرا
  رد باقتباس
قديم 24-05-2010, 11:19 AM   #10
Dr.bochey

 









Dr.bochey غير متواجد حالياً
افتراضي رد: طريقة حساب جرعة الدواء للاطفال

موضوع مفيد جدا

الف شكر
  رد باقتباس
رد

Comment on Facebook

أدوات الموضوع

تعليمات المشاركة
You may not post new threads
You may not post replies
You may not post attachments
You may not edit your posts

BB code is متاحة
رمز [IMG] متاحة
رمز HTML معطلة

الانتقال السريع إلى


الساعة الآن: 06:22 AM.


Powered by vBulletin
Copyright ©2000 - 2014, Jelsoft Enterprises Ltd.
جميع الحقوق محفوظة لاعضاء وزوار عالم الصيادلة