حال الصيادلة في مصر والسعودية

[فتحي عبد العظيم]

بسم الله الرحمن الرحيم

نبدأ بحال الصيادلة في مصر:
1-كرامتنا كصيادلة في امتهان ودي مش نظرة تشاؤمية ده الواقع فعلا فتلأقي صاحب الصيدلية الي هو المفروض صيدلي يفضل عليك المساعد ويقدر يستغني عنك في لحظة
2-راتب الصيدلي الي يخليه مش يفكر في السفر بس لا يفكر انه يقبل اي عقد اهم حاجة يخلص من وجع الدماغ ومعاملة زبائن الصيدلية الي للاسف مصريين الي يقولك هات الدوا ده يابرنس -والي يقول عندك ده ياكوتش ويامستر وياكابتن وكمان يامعلمكأنه مستخصر كلمة يا دكتور ولا كأنك درست خمس سنين عناء في الكلية ده غير انه بيحسسك انه بتفضل عليك علشان اشتري منك لان عددنا بقي في اليمون
3-التكليف وما ادراك ما التكليف شغال كاتب مش صيدلي والي اخد التكليف عارف معني الكلمة دي
4-مكاتب السفر والمعاناة الي بتشوفها وفي الأخر تاخد عقد ماينفعش لمزارع حتي وتروح تقضي زهرة عمرك بالخارج يمصوا في دم الصيادلة المصريين كأنهم اشترونا لمدة سنتين واحنا والله الفئة الصابرة في المجتمع
اما حالنا في السعوديه فحدث ولا حرج بهدلة وقلة قيمة والي شايف غير كدة يقولي لاني شايف الصورة بقت كحل
واسف علي الاطالة

[saad264]

الموضوع اللى بتقوله مظبوظ 100 % بس انت واخده بحساسية مهنية و لكن ما تحس به من امتهان يحس به كل واحد فى مهنته ايا كانت و ذلك لان اخلاقنا اصبحت ممتهنة و سيئة و اصبح التقدير الاساسى ليس للعلم و لكن لقدراتك المادية فاذا كنت صيدلى صاحب صيدلية فلن تشعر بهذا الاحساس و الوضع نفسه للاطباء الذين فى مقتبل حياتهم يحسون انهم مثل ساعى او صبى للطبيب الاكبر سنا أو صاحب المستشفى و يعانون من قلة ادب المرضى الذين يرونهم أقل من الممرضين او انظر الى المهندس المبتدئ الذى يراه مدير المشروع أقل من المقاول بل بالفعل المهندس المبتدئ لا يكون بخبرة المقاول .القصد ان الاحترام بالمال أولا و بالسن و الخبرة ثانيا و هذا فى كل المجالات و ليس فى مجالنا فقط

[صيدلى 111]

انا لى راي مختلف شوية
انا مش عارف الصيادلة وهما لسة فى الكلية زى مبتقول بيخدوا حقن " الطمع " او " عدم الثبات فى العمل مدام هناك فرصة افضل"

كلنا كصيادلة وانا زيكم دايما طماعين شوية ,,,مبنحمدش ربنا على اللى احنا فيه ..هقولكم ازاى

كان من حوالى 15 سنة وانا لسة فى المدرسة ,,كان دايما ابويا يقولى ادخل كلية تربية عشان تبقى مدرس وتسافر اى دولة عربية ..وكان ساعتها المدرسين بيتطلبوا بطريقة شرسة داخل مصر وخارج مصر
دلوقتى ..شوف المدرسين مش لاقيين حتى وظيفة فى حضانة
ليه ..ايه اللى حصلهم ؟؟؟
تكبروا وطمعوا ..دلوقتى الجيل الجديد منهم بيتمنى ولو وظيفة فى حضانة رياض اطفال

نفس الكلام بيحصل لينا كصيادلة دلوقتى ...
اول مبتخرج بيجيلك فرصة حكومية بمرتب مفيش اى خريج كلية تانية يحلم بيه فى مصر - وبتلغى التكليف بتاعك بعدها بتروح تشتغلك فى صيدلية كم شهر لحد متلاقى شركة بمرتب احسن ...ولما بتلاقى الشركة بتطمع انك تدخل شركة مالتى ناشيونال مرتبها احسن ..ولما بتلاقى الشركة ...بتطمع انك تسافر برة مصر على شركة ادوية بتدى مرتب احسن ..ولمابتسافر بتطمع انك تفتح صيدلية فى احسن مكان فى مدينتك..ولما بتفتح الصيدلية عاوز تفتح التانية ..ولما تفتح التانية ...مش عاجبك حالك .بردة

خلاصة الكلام وياريت محدش يفهمنى غلط ..احنا طمعنا لتوفر الكثير من فرص العمل امامنا ...عشان كدة مش عاجبنا حالنا لا فى مصر ولا برة مصر
لكن لو كانت هى فرصة واحدة مفيش غيرها ..كنت تلاقى كل الصيادلة راضيين وبيركزوا فى شغلهم

يمكن ردى دة يقراه خريج صيدلة دفعة 2020 ..ساعتها يدعى علينا لانه ساعتها مش هيبقى لاقى كشك يبيع فيه اسبرين او فياجرا !!!!

ياخونا ..مفيش صيدلى راضى بحاله ..بصوا للى اقل منكم وانتم هترتاحوا ...بصوا لخريج الكليات التانية وانتم هترضوا بحالكم

وبالنسبة للمرتبات اللى مش عاجباكم وانا زيكم مش عاجبانى ...فيه ناس احوالها وحشة بجد وبتضطر توافق عشان وراها كوم لحم .ودول اغلبهم من الصعيد ..بالنسبة لهم 2000ريال يعنى أملة

صيدلى مصرى مش عاجبه حاله