##
التسجيل الأسئلة الشائعة Social Groups التقويم اجعل كافة المشاركات مقروءة

##


العودة   منتدى عالم الصيادلة | صيادلة على خطى الحبيب | Pharmacists world > منتديات الصيدله > عالم شركات الادوية المصرية والعالمية
##


نصيحتى لاى صيدلى او بيطرى او علوم

عالم شركات الادوية المصرية والعالمية

رد
 
أدوات الموضوع
  #1  
قديم 24-10-2009, 12:25 AM
dr-emad2008 dr-emad2008 غير متواجد حالياً
 

 




افتراضي نصيحتى لاى صيدلى او بيطرى او علوم

السلام عليكم
ياجماعه انا اول مرة اكون معاكم بس حبيت اشترك باول موضوع ويارب يكون فيه افاده
انا عارف انه اول حاجه كلنا وانا واحد منكم بيتجهه ليها بعد الكليه هى شركات ادويه وطبعا كلنا عارفيين ليه لانها الوحيده اللى بتديلك مرتب وانت لسه خريج عمرك ما حتاخد ربعه فى الحكومه بس انا عاوز اقولكم خاصه الناس الجديده اللى لسه مشتغلتش لو كنت صيدلى خليك فى مجالك ولو كنت بيطرى برضه خليك فى البيطرى اتعلم واتعب لانه فى الاخر البيطرى هو اللى حترجعله ........
عاوز اقولكم انه شركات الادويه مش غبيه انها تدفعلك الفلوس دى كدا لا هى عارفه انك حتدخلها قد الفلوس دى اضعاف عشان كدا جابتك وشغلتك بس صدقونى حياخدوكم لحم ويرموكم عضم عن تجربه
غير استريس الرقم او التارجت اللى بتنام وتحلم عليه انما لو اشتغلت فى مجالك ورضيت باللى يطلعلك صدقونى حتعيش احسن من كدا بكتير جدا.....
معلش انا عاوز اقولكم انا بقول كدا ليه بس للاسف عاوز انام عشان الشغل بس ان شاء الله حنتكلم تانى ومستنى ردودكم سلام

رد باقتباس
The Following 2 Users Say Thank You to dr-emad2008 For This Useful Post:
قديم 24-10-2009, 01:38 AM   #2
dr\lo2a

 









dr\lo2a غير متواجد حالياً
Post رد: نصيحتى لاى صيدلى او بيطرى او علوم

اهلا وسهلا ازيك يادكتور؟
انا هارد على حضرتك..برغم انى لسه طالبة,بس يمكن لانى انتريست اوى
لموضوع الشغل..ونزلت تريننج كميديكال ريب مع شركة من اجازة اولى
----------
طبعا انا لسه مش مقررة ايه المجال اللى ناويه اشتغل فيه بعد ماخلص

بس اللى عاجبنى اكتر ان المجالات كتيرة,ومش زي طب وخصوصا للبنت

تعليقي على كلام حضرتك هوا ان فيه مقولة بتقول
(لولا اختلاف الاذواق لبارت السلع)
بمعنى لو كل الناس فكرت بالسيستم ده يبقي نلغي الميديكال كصيدلي
و يبقوا كلهم تجارة او اداب
ده غلط؟؟ منعرفش
بس ليه نرجع ونقول سوق الادوية هوا سوق الصيادلة
يعنى بنعترض على دخول علوم وبيطري المجال ده
ودلوقتى عايزين ندخل اداب وتجارة كمان!!!!!
------------------
شغل الميديكال ريب
ممكن يكون فعلا الدافع الاساسي منه الفلوس
بس ليه حضرتك متقولش ان العمل ده لشخصية مش بتحب الروتين
ووقفة الصيدلية؟؟
----------
وانا هتكلم عن نفسي لانى جربت الاتنين وبدون اى مقابل
لانه تدريب بس من غير فلوس
ولقيتنى بانجذب فعلا لشغل الميديكال برغم انه متعب
بس لان فيه كونكشن هايل ومهارات بيع وازاى تقنع الدكتور بمنتجك
----------------
اقتباس:
معلش انا عاوز اقولكم انا بقول كدا ليه بس للاسف عاوز انام عشان الشغل بس ان شاء الله حنتكلم تانى
سؤالى لحضرتك بأه
هل فعلا سبت شغل الميديكال واكتفيت بالتكليف او بشغلك الروتيني ف صيدلية؟؟
ولقيت نفسك سعيد فعلا فقولت تنصح باقي الصيادلة؟؟
--------------
موضوع مهم
وليا عودة ان شاء الله
  رد باقتباس
قديم 24-10-2009, 01:57 AM   #3
عمرو طارق

 








عمرو طارق غير متواجد حالياً
Smile رد: نصيحتى لاى صيدلى او بيطرى او علوم

أنا صيدلي دفعة 2009 والحمد لله بشتغل في أحد شركات الأدوية و الحمد لله عندي صيدلية و في ناس قالولي سيب الشركة عشان تتفرغ للصيدلية لكن لا يمكن أبدا هسيبها أولا لأني بعشق الشغل داخل شركات الادويه و خاصة قسم رقابة الجوده و ثانيا مع احترامي لكل الكيميائين مينفعش ادي الفرصة لواحد كيميائي انه ياخد مكاني لان ده مجالنا احنا و احنا اولي بيه لكن الكيميائي عنده اماكن تانيه كتير , و ده مش معناه اني بكره الكيميائين بالعكس والله كلهم حبايبي
  رد باقتباس
قديم 24-10-2009, 02:13 AM   #4
no_way31
مشرف عالم طلاب الصيدلة
 
الصورة الرمزية no_way31

 








no_way31 غير متواجد حالياً
افتراضي رد: نصيحتى لاى صيدلى او بيطرى او علوم

اولا بجد والله
شغل الشركات نفسه اينعم مش دايم بس هو الانسب لنا لانه بيحتاج الشباب
والشاب منا بيكون عمل نفسه من مرتبه العالى فى الشركه
وقدر شويه ان يعمل حاجه


ثانيا اتفق فى موضوع لولا الاذواق لبارات السلع
وفعلا
موضوع الصيدليه موضوع روتينى قووووووووووى مش يناسب طموحات كتير من الناس

التعديل الأخير تم بواسطة : no_way31 بتاريخ 24-10-2009 الساعة 02:22 AM
  رد باقتباس
قديم 24-10-2009, 02:53 AM   #5
الأسرة الكريمة
عضو شرفى
 
الصورة الرمزية الأسرة الكريمة

 









الأسرة الكريمة غير متواجد حالياً
افتراضي رد: نصيحتى لاى صيدلى او بيطرى او علوم

وعليكم السلام ورحمة الله وبركاته

أنا لسه طالب يا دكتور عماد, ولكن هاقول رأيى من خلال الـ summer training اللى نزلته فى شركة أدوية ومن خلال وقفتى فى الصيدلية ...

فى الأول كنت مش عارف ايه الأحسن يا ترى لمّا اتخرج أقف فى صيدلية ولا اشتغل فى شركة ...

فلما وقفت فى الصيدلية, كان الروتين اليومى هو اللى بيزهق, وده حاجة طبيعية فى النفس البشرية ...

لكن لما نزلت التدريب فى الشركة, كنت طبعاً خايف وحاجة جديدة, بس بجد والله انبسط أوى ... عارف ليه يا دكتور عماد؟؟ ... لأن :-
1- الواحد اتعرف على ناس جديدة طيبين, ولسه على اتصال بيهم على الرغم من انتهاء فترة التدريب ... مفيش أحلى من إنك تتعرف على ناس طيبة تفتكرك ويفتكروك ...
2- الواحد قابل دكاترة بتفكر بكذا طريقة, وكل دكتور له طريقة فى التعامل ... فحاجة كويسه لما تيجى تتعامل مع الناس اللى حواليك على أساس الأفكار اللى جمعتها ...
3- الواحد بيخرج ويمشى ويروح هنا وهنا ويعرف أماكن جديدة ...

أنا عارف إن الواحد مكنش عليه ضغط الـ target, ولا عدد الساعات الكتيرة .. وأكيد حضرتك عارف نظام الشركات الخآصة يايكسب من وراك أضعاف اللى بتاخده ياإما ..................... . بس إن شاء الله هاشتغل فيها, وربنا يسهل ... وده باب رزق وهاطرقه ...

وكل واحد له رزقه سوآء هنا أو هنا, مفيش حد هيموت إلا وهياخد رزقه كاملاً ...

نوماً هنيئاً

التعديل الأخير تم بواسطة : الأسرة الكريمة بتاريخ 24-10-2009 الساعة 02:56 AM
  رد باقتباس
قديم 24-10-2009, 08:05 PM   #6
همسة حب
صيدلى نشيط
 
الصورة الرمزية همسة حب

 









همسة حب غير متواجد حالياً
افتراضي رد: نصيحتى لاى صيدلى او بيطرى او علوم

احب طبعا اشترك معاكم فى الموضوع

فى البداية انا جربت الاتنين اخذت فترة تدريب فى شركة فاركو فرع سيف

وانا فى الاجازة الصيفة لسنة تالتة وقعدت قتة فى خط الانتاج وفترة فى كيو سى

وبصراحة قبل ذهابى للتدريب دا كان من اول اهدافى بعد الكلية العمل فى شركة ادوية

فى كيو سى تحديدا وبالفعل تمسكت بة جيدااا لان خط الانتاج مينفعش للبنات لازم وجود الشباب فية

اما الكيو سى طبعااا معظم الى كانوا هناك كميائين زى ما احتا عافين وقليل جدا صيادلة
بس انا كان تدريبى مع دكتورة صيدلانية والفضل لله

بجد متعة العمل وهيا كانت مبسوطة بعملها طبعاا وبجانب انها كانت بتفهمنى كل حاجة
وكان فعلا هوا دا المجال الى كنت بدور علية صميم دراستى دا من جانب شركات الادوية

اما دلوقتى بعد ما تخرجت اشتغلت فى صيدلية ومقلكومش رووووووووووتين وملل فظيع
حاسة انة جوايا حجات كتير ممكن اعملها بس للاسف

والى خلانى اشتغل فى صيدلية وليس المجال الى انا عاوزاة هوا انى فعلا لاقيت شغل
فى شكرة ادوية وبمبلغ اضعاف مرتبى الان بس رفضتة طبعا لانة فى الميدكل ريب

وطبعا زى ما دوكتورة lo2a قالت الازواق مختلفة هيا عجبها الميدكل ريب وانا مش عاجبنى خالص
لانة اولا مش مجال دراستى وثانيا بحس انة كل نصب ممكن منتج الشركة ميكونش عاجبنى اصلا ومضطرة عصب عنى انى اقنع الدكتور بية طب ازاى؟؟؟؟؟ دا سبب من ضمن اسباب كتير
لرفضى هذة المهنة

بس انا عن نفسى فى اى فرصة الاقى الوظيفة الى بتمناها هعمل اى حاجة عشان اوصلها
لان دا هدفى الى باذن الله احققة

اما بالنسبة للدكتور البيطرى هوا بيشتغل فى شركة الادوية لاسباب عديدة لانة مكن يقول
دى اخرتها اعالج حيوانات بالنسبة للبيت او الولد طيب ما انت وانت داخل عارف انك هتكون كدة

طيب كان لازمتها اية من الاول هوا المتضرر الوحيد لانة بيبعد عن مجالة

اما خريجى علوم اة حد ما بيكون اقرب واحد من مجالنا بس للاسف فى الفرتة الى احنا فيها دى
بدأوا يستحوذوا على مهنتنا بس هنقول اية دى ارزاق بتاعت ربنا

معلشى طولت عليكم بس كنت عاوزة اشارك معاكم برأيى لعل وعسى
  رد باقتباس
قديم 25-10-2009, 12:59 PM   #7
عمرو طارق

 








عمرو طارق غير متواجد حالياً
Smile رد: نصيحتى لاى صيدلى او بيطرى او علوم

علي فكرة يا جماعة اللي بيميز الصيدلي عن الكيميائي في شركة الأدويه علم الفارماكولوجي احنا ممكن نكون زي بعض في الكيمياء و ده طبيعي لأن احنا الاتنين درسنا كيمياء لكن الفارما هي اللي بتفرق بينا , و دي انا لاحظتها شخصيا لما كان واحد كيميائي بقاله فتره في الشركة و انا كنت لسه جديد كان بيعلمني ازاي اعمل اساي للماده الفعاله في مستحضر معين و كان ما شاء الله عليه بجد , و بعدين سألته قلتله هو الدوا ده بعالج ايه ؟ رد وقالي مش عارف . طب الماده الفعالة اسمها ايه ؟ برضه ميعرفش , الحمد لله علشان انا دارس فارما كنت عارف بس انا حبيت ابينله انه لازم احنا نكون مميزين عنهم جوه الشركه لان ده في الاول و في الاخر مجال الادويه ,, وبكرر تاني مرة كل الكيميائين حبايبي والله
  رد باقتباس
قديم 25-10-2009, 09:33 PM   #8
الأسرة الكريمة
عضو شرفى
 
الصورة الرمزية الأسرة الكريمة

 









الأسرة الكريمة غير متواجد حالياً
افتراضي رد: نصيحتى لاى صيدلى او بيطرى او علوم

اقتباس:
ممكن منتج الشركة ميكونش عاجبنى اصلا ومضطرة عصب عنى انى اقنع الدكتور بية طب ازاى؟؟؟؟؟

معاكى حق يا دكتورة همسة, بس فى رأيى إن حضرتك مش مضطرة ولا حاجة إنك لازم تقنعيه لأنك هتقولى المميزات اللى فيه والـ side effects والميكانزم .. قصدك عشان الـ target يعنى, الواحد يبذل أقصى ما فى وسعه, وكله رزق ...
أنا لما اتدربت med.rep. نزلت فى شركة sanofi aventis ونزلولنا على الـ Bi-profenid (بتطلعوه OTC ولا لأ؟ :) ), فكنت بزور الدكتور وأقوله مميزاته وside effects ومينفعش فى حالات ايه ... وكان لمّا يسألنى الدكتور فى حالات الـgastritis أديله ايه؟؟, كنت بقوله ممكن كذا وكذا .. عادى خالص لأن الواحد بيراعى ربنا سبحانه وتعالى قبل أى شئ ...
أنا عارف إن ممكن حد يقولى افرض به يا سيدى اشتغلت فى شركة منتجها مش قوى يعنى, مش هتشتغل؟؟ .. لا هاشتغل بس هاقول المميزات والـ side effects والميكانزم ... طب ياسيدى والـ target؟؟ .. هاشتغل وأعمل اللى عليا وأبذل الجهد, وكله رزق ...

بجد مادام بتراعى ربنا سبحانه وتعالى فى نفسك وبيتك وشغلك وفى الناس اللى حواليك, خليك على يقين إن ربنا هيكرمك كرم كبير أوى ... عن تجربة والله ...

بالتوفيق :)
  رد باقتباس
قديم 26-10-2009, 12:39 AM   #9
همسة حب
صيدلى نشيط
 
الصورة الرمزية همسة حب

 









همسة حب غير متواجد حالياً
افتراضي رد: نصيحتى لاى صيدلى او بيطرى او علوم

انا معاك فعلااا يادكتور الاسرة الكريمة الواحد بيتقى ربنا فى شغلة والباقى على ربنا

بس انا عن نفسى فى الصيدلية عندنى بلاقى منتجات شخصيا لو حطولى عليها فلوس مش هستخدمها اصلاااا.... دى الفكرة الى انا اقصدها فى شغل الميدكال لو فعلااا قولت للدكتور على كل حاجة بما يرضى الله

وسألنى سؤال وعاوز الرد بنعم او لا لو انت مكان المريض هتستخدم المنتج ولا لا

بما يرضى الله هقولة لا سعتها هيكون بالله عليك موقف الدكتور اية منى ؟؟؟؟؟؟؟؟
والله اقل مافيها لو يعرف ربنا بجد هيقولى اتفضل برا ومشوفش وشك تانى

والله دا الى بعملة فى الصيدلية عندى بصرف الدواء زى المريض ماهوا عاوز ولو طلب رأى
بصراحة بقولة لو مكانك مش هستخدمة ولو عاوز الافضل هطلعلة زى ما يحب

ودى والله اعلم وجهة نظرى فى الموضوع لانى من الشخصيات الى طالما الشىء مش
مقتنة بية استحالة اقدر اقنع اى حد بية مهما كانت الاسباب
  رد باقتباس
قديم 26-10-2009, 12:55 AM   #10
no_way31
مشرف عالم طلاب الصيدلة
 
الصورة الرمزية no_way31

 








no_way31 غير متواجد حالياً
افتراضي رد: نصيحتى لاى صيدلى او بيطرى او علوم

دكتوره همس بالنسبه للدوا
اولا عندى تعقيب وحاجه ملموسه شفتها بعينى لما كنت بتدرب فى صيدليه
الدكتور كان فى كل روشتاته لازم يكتب للمريض دوائين مش لهم اى تاثير فارماكوجى لاتهم مركبات جلاتنيه
وثانيا من غير نشره داخليه فى الدواء
انا معرفش هو الدوا دا ايه بصراحه

الاهم انه مكتوب فى كل الروشتات فقلت لعيان دا مالوش لازمه قالى دا الدكتور موصى عليه
ضرورى ولما قلنله كده خد الروشته ومشى لانه مقتنع بكلام الدكتور
  رد باقتباس
رد

Comment on Facebook

Tags
pharmacist , شركات , شركة , صيدلى , صيدلى المستقبل

أدوات الموضوع

تعليمات المشاركة
You may not post new threads
You may not post replies
You may not post attachments
You may not edit your posts

BB code is متاحة
رمز [IMG] متاحة
رمز HTML معطلة

الانتقال السريع إلى


الساعة الآن: 06:30 AM.


Powered by vBulletin
Copyright ©2000 - 2014, Jelsoft Enterprises Ltd.
جميع الحقوق محفوظة لاعضاء وزوار عالم الصيادلة